CANTI

TESTO

QUANNU VENI NATALI (Vultaggio)

Nta lu celu ‘na stidda lucenti
veni e annuncia ‘na notti spiciali,
porta ‘u beni pi tutta la genti
e alluntana pi un jornu lu mali.

Festa ricca di gran sintimenti,
è ‘na festa davveru giniali.
chissa è ‘a notti dû “Re Onniputenti”
chissa è ‘a notti dû “Santu Natali!"

Quannu veni Natali
si rallegra ogni cori
quannu veni Natali
tuttu ‘u munnu nì gori

Quannu veni Natali
nun ci su cchiù nimici,
quannu veni Natali
jò mi sentu filíci.

Nta ‘na rutta, dumila anni fa
tra la pagghia di scarsu valuri
pi misteru di la “Trinità”
vinni ô munnu “Gesù Redenturi”.
Granni esempiu di vita e buntà,
di la terra fu lu sarvaturi.
Chissa è notti di filicità
Chissa è ‘a notti di Nostru “Signuri”.

Quannu veni Natali
si rallegra ogni cori
quannu veni Natali
tuttu ‘u munnu nì gori

Quannu veni Natali
nun ci su cchiù nimici,
quannu veni Natali
jò mi sentu filíci.



ALLEGATI



NEWSLETTER

ISCRIVITI ALLA NEWSLETTER PER RIMANERE SEMPRE AGGIORNATO