CANTI

TESTO

NOTTI DI NATALI (Oddo - Vultaggio)


NOTTI DI NATALI
(A. Oddo - G. Vultaggio)

Sugnu tantu filíci stasira,
mentri aspettu ‘u Natali chi veni,
la Cumeta è già ‘n celu chi gira
e alluntana d’‘u munnu li peni.
E’ ‘na notti spiciali, un incantu:
dura sulu un firriuni di terra !
Jò lu sacciu ch’un dura cchiù tantu,
sacciu puru…chi torna la verra.

Veni prestu “Signuri”,
prima chi mi cunfunnu,
un ci su’ cchiù valuri
si tuccau già lu funnu;

Ma stanotti cca regna la paci,
regna sulu lu beni e l’amuri,
chissa è ‘a notti c’’u mali già taci:
chissa è ‘a notti d’’u nostru “Signuri”!
Nta la littra pi Babbu Natali,
chi mannai cu ‘nu stormu d’aceddi,
nun ci scrissi chi vogghiu rigali
ma cunfortu pi li puviréddi !

Veni prestu “Signuri”,
‘un firriariti ‘n tunnu:
porta’n terra l’amuri,
salva tuttu lu munnu !



ALLEGATI



NEWSLETTER

ISCRIVITI ALLA NEWSLETTER PER RIMANERE SEMPRE AGGIORNATO