LU BICCHIERI GIUSTU (SILVESTRO - VULTAGGIO)

LU BICCHIERI GIUSTU
(Silvestro - Vultaggio)

Quann’è chi vivi vinu
pi sèntiri lu gustu
nun ti scurdari, amicu,
di lu bicchieri giustu.
Secunnu lu culuri
li gradi e li mumenti,
diversu è lu bicchieri:
tu prova…e ‘un ti ni penti!
Pi tutti ‘a stessa liggi:
di vitru e trasparenti,
s’è chiddu cu’ lu peri
è megghiu certamenti.

Aggiungiu a lu me diri:
qualunqui è lu bicchieri,
si ti ni vivi troppu,
raddoppianu…‘i pinzeri!

P''u vinu biancu “leggiu”
abbasta limitatu;
un pocu cchiù panzutu
s''u biancu è “strutturatu”.
Lu russu c’unn’è vecchiu,
nun voli bicchirina
ma voli, inveci chiddu,
c''a panza curta e china;
e senti granni gustu,
apprezzi la racina:
na senzazioni granni… l
u ciauru d''i “Tannina”!

Aggiungiu a lu me diri:
qualunqui è lu bicchieri,
si ti ni vivi troppu,
raddoppianu…‘i pinzeri!

P''u vinu vecchiu, inveci…
l’ossigginu è ‘mpurtanti,
cchiù granni è lu bicchieri
chiossai iddu è fragranti!
Pi chiudiri ti dicu
chi p''u spumanti drai,
si pigghi chiddu a “flutti”
stai certu, ‘un sbagli mai;
pi chiddu duci, sentimi,
chi fiura tu farai
ci voli chiddu a coppa…
e ti lu gusti assai.

Aggiungiu a lu me diri:
qualunqui è lu bicchieri,
si ti ni vivi troppu,
raddoppianu…‘i pinzeri!
Aggiungiu a lu me diri:
qualunqui è lu bicchieri,
si ti ni vivi troppu,
raddoppianu…‘i pinzeri!